من يوم كنت صغيرة، القولون كان دايمًا يتعبني. كنت آكل أي شيء بدون وعي، وأظن التعب، الجفاف، والمزاج المتقلب أمر طبيعي.

لكن نقطة التحول كانت في الحج… كنت متحمسة أكمّل المناسك، وفجأة هجم علي ألم شديد في بطني. ما قدرت أكمّل مع المجموعة، حسيت بالضياع، والفشل، وحتى الخوف إذا حجّي مقبول.

رجعت البلاد وأنا مصممة ألقى حل. كنت معلمة، ودوامي طويل، وأكلي أغلبه من المدارس أو المطاعم — وكلها تزيد الوضع سوء. حتى لو جبت أكل صحي، يفسد لأن ما في تبريد. جرّبت كل شيء: أعشاب، وصفات من الإنترنت، نصائح من الأهل… أحيانًا ترتاح بطني، وأحيانًا الألم يخليني ما أقدر أتحرك.

أصعب لحظة كانت وأنا حامل، لما الألم كان قوي لدرجة إني ما قدرت أروح المستشفى، ووقعت على الأرض أحس إني بموت. بعدها دخلت في اكتئاب، انعزلت، وفقدت الثقة بنفسي.

لكن في يوم، قررت أوقف كل الحلول المؤقتة وأبحث عن منهجية واضحة ألتزم فيها. بدأت أتعلم عن علاقة القولون بكل الجسم — الطاقة، المزاج، المناعة… وبدأت أطبّق خطة بسيطة يوم ورا يوم.

وفي أول أسبوع، حسيت بخفة ما حسيتها من سنين… الانتفاخ خف، طاقتي ارتفعت، والمزاج صار أهدى. مع الوقت، بنيت عادات جديدة، وتعلمت كيف آكل بطريقة تناسب جسمي، بدون حرمان ولا خوف.

من هنا ولدت منهجيتي Hayati Reset — نظام متكامل يساعدك تهدّين القولون، ترجع لك طاقتك، وتستمتعين بأكلك وحياتك من جديد.

اليوم، آكل وأنا مرتاحة، ما عاد جسمي ينفخني، وأستفيد من الفيتامينات، وحتى صحتي النفسية صارت أقوى.

أنا سويت هالبرنامج عشانك أنتِ… عشان ما تمرّين بنفس الدوامة اللي مرّيت فيها. في 5 أيام بس، تكتشفين الفرق وتبدئين رحلة جديدة مع صحتك.